oh yes ! E stâ par rivâ Musikemate tigninsi libars pal 18 di lui: chist an e sunaràn: Cisco (ex Modena City Ramblers), Arbe Garbe, Bo & the Boilers, Mellow Mood, Umut Adan. Organizât come simpri de associazion "LaLuna", come simpri bancut dai Fantats Furlans a vuestre disposizion !

Ormai ducj lu clamin "Pink Fregul" e al stâ fasint furôrs atôr pal Friûl ! Già cualchi timp indaûr le nestre "n. 3 " (le autore dal Fregul) e jere stade intervistade su Radio Onde Furlane cjapant i compliments e  lis atenzions dal compost Pauli ch'al à vualmât lis capacitâts e le braure de nestre zovine. Vuè su "Il Friuli" al è stât publicât un biel servizi sul librut e le autore. Grant suces duncje. Grazie duncje a l'autore e a lis collaboradoris Susanna (pe traduzion par inglês)  e a Alice (pai disens). Cumò no mi visi, ma ... cuant isal il premi Terzani? Une bussade a dutis lis feminis !

Sugjeriments par doman di sere...

Vilecjasse di Lestize

Vinars ai 5 si jugn 2009

h. 21.00

Il sium di chescj furlans in fughe

variazions sul teme cun

Chiara Donada, Giulano Bonanni, Fabiano Fantini,

Fiorenzo Innocenti, Franco Marchetta, Giorgia Marchetta,

Paolo Medeossi, Stefano Montello,

Claudio Moretti, Elvio Scruzzi, Carlo Tolazzi,

 tacant dal libri omonim di Franco Marchetta editât de Forum Editrice

Musichis cun Gianni Brianese & Paolo Frizzarin

Il sogno di questi friulani fuggitivi

SPECIÂL - Fantats Furlans: nassûts par crevâ e vonde un tic in ritart (al è un moment che no ài timp di nie) us visi che te "La Patrie dal Friûl" dal mês di mai al è vignût fûr un articulut che a tabae de nestre clape (... come associazion s'intint !). Un struc di ce che si po viodi tal nestris sito www.faf.too.it. Al fâs plasè chist ricognossiment, ma al fâs ancjemò plui plasè savê che si puedin cjatâ on line tal sito de Patrie i numars de Patrie e di cumò la dispunibilitât di cualchi articul già de jessude dal gjornâl. 

Cope dal Re di Spagne:

Siviladis 4 - Batimans 1Somee ch'a sedi lade cussì le finâl de Cope dal Re di Spagne tra Barcelone e Atletic Bilbao, che al moment da l'in nazionâl spagnûl al è stât sivilât de plui part dai spetadôrs. Le television di stât e à faturât a taponâ chiste situazion e un dirigjent al à scugnût già fâ lis valis.... scoltin insieme prime la trasmission di TV3 (catalane) cun siviladis, e le seconde chê cun le censure. (grazis pes segnalazions a Dree e Andri). 

Al Guigamp Le finâl de cope di France..... e jè stade zuiade tra dôs scuadris Bretonis : GUIGAMP-RENNES ma a vinci e je stade le scuadre che e zue te serie B francese il Guigamp. Frache le imagjin chi parsore e jentre tal sito dal Guigamp, tu podarâs viodi le sintesi de partide e tantis, tantis bandieris bretonis. Di marcà ancjemò di trop che e vegnin doprâs i simbui de tradizion come il triskel ancje tal logo de scuadre (ca o vin di mangjâ ancjemò tante polente !)

Segnalazion cun tante musiche furlane: A Palme ai 1-2-3 di Mai savôrs di storie - storie di savôrs Vinars al 1 di mai prâs sui bastions di Puarte Cividât: da lis h.11.30 pic-nic cun dj-set 60-70 di dj Lavezzi e dj Bellikapelli h.15.30 LORIS VESCOVO TRIO (acustic folk) live place grande:  h.19.30 CARNICATS (hip hop) live Sabide ai 2 di mai

place grande: h.16.00 RADIO ZASTAVA (balkan brass band) h.20.00 TAMBOURS DE TOPOLO' (bidons & percussions di strade) Domenie ai 3 di mai place grande:

h.16.00 BANDE GARBE (bande popolâr di strade)

1-2-3 di mai, cun orari continuât, in place grande "LENGHE DI VACJE" audio installazion par cure di Hybrida . E ai doi di mai ancje il bancut dal Faf... vignît a cirînus.

E joibe ai 30 di avrîl e tache Fiestintende cul Dub di Resistence in Dub e tancj atris

>>> Biel cjossolant (... ce che e svuale !) Al par parfin impussibil dulà che si cjate le aquile in dì di vuè ! E le nestre acuilute nostrane e cjape, e cjape benon e dopo chê di Darte veh cà chê di Tarcint. Mandait mandait lis vuestris foto pe rubricute "ce che e svuale" e par "graffiti furlans" a faf1995@libero.it  

Cumò o sin finîts fintremai in Catalunie... Si jo ! O sin stâts linkâts su chist articul http://www.nationalia.cat/ca/noticies/437,  doprant come imagjin (jenfri dutis chês che si puedin cjatâ), le foto de coreografie fate al stadi cualchi àn indaûr cuintri l'Inter in colaborazion cul grup "Ultras":  ce onôr !  Anin a viodi ancje http://www.ciemen.cat/ 

Ce fâ ai 3 di avrîl ? Fieste po ! Linkât il manifestin de province di Udin  cul program di tancj aveniments organizzâts pe Fieste de Patrie dal Friûl 2009. Tra i tancj i volìn marcâ che vinars ai 3 di avrîl aes 18.00 a Basilian in Villa Zamparo premiazion dal concôrs di Poesie "emozions d'ingjustri" che tra i premiâts e viodarà ancje un fantat fondadôr; atre iniziative (no segnalade tal volantin) simpri ai tre di avrîl, propueste dal Front Furlan e sarà le cene li dal Ristorant Costantin a Cuelalt di Tarcint cun musiche dai Splumâts (miôr prenotâ) - particolaritât: si podarà pajâ in part, ancje in SCEC.

WWW.FRIULCLAUN.IT Vinars stât o jeri lì dal Centro Balducci in ocasion de serade cuintri l'eletrodot (une serade gustose e interessante). Lì o ài vût il plasê di cognossi chiste iniziative dai "Friulclaun" par merit di un pâr di volontaris ancje lôr lì tal public: ben o ài disi che e son veramentri dai personaçs ! E cussì tra une presentazion e une batude mi àn dite: valâ a viodi il nestri sito.... e cussì o condivît  cun vuatris chiste mê scuviarte !

"Concorenze" ... Speciâl ! Tal stes moment (o forsit ancje un tichinin  prime) che e vignivin fûr lis "nestris" bustutis dal sucar, l'ASS n. 5 Basse Furlane e veve mitût in distribuzion chestis impuartantissimis bustutis che e publicizzavin i programs gratuits di screening pes feminis: "Cjape a pet la tô salût - Tu puedis fâ tant pe tô  Salût . No stâ pierdi timp ven a controlâti ." Domandailis lì che lis distribuissin/fasin !!!! Une iniziative pardabon biele ... e un'atre bustute di colezion. Si parcè che, nus àn publicât lis nestris "Cemût sêstu vuê?" inte riviste semestrâl dai colezioniscj talians. Se cualchidun le brinche che nus mandi une copie/fotocopie/scansion. Dopo, o sai che atôr a esistin ancje atres bustutis par furlan segnalaitlis !

Segnalazion in redazion...
Mandi, volevi segnalà la serade dal 14 di març a Trep Grant cun i "CORTI di Muris", o sin ancje nô cul nestri.
Mandi.  Andrea - Buteghes viertes

Organizazion - www.murisinfesta.it
Buteghes viertes - www.buteghesviertes.net

PS  el sito dai buteghesviertes al è veramentri simpatic...

>>> Biel cjossolant (Grafiti furlans):  LAVITI LIS MANS !  Mans netis, vie lis malatiis ! (Cussì mi pâr che al sedi scrit ta l'adesîf).Ancje chê o ài cjatât (!) dongje dal lavandin te toilette di une frascje tal comun di S. Marie la Lungje ! Manditmi fotos pe rubriche >>> Biel cjossolant sei pe sezion "Grafiti furlans", sei pe sezion "Ce che e svuale" a  faf1995@libero.it . Grazie e mandi

Cualchidun nus à lassât chist coment intun vecjo post a proposit dal tocai, us al propon cussì come che lu ài cjatât...

P A R O D I A T O C A I ©

La presente si svolge in un’enoteca virtuale(ma non troppo)della bassa Friulana.

Marco Paolini al interprete "La Naf Spazial" di Federico Tavan. O ài cjatât chist interessant filmadut su youtube cirint il video  di Tavan "poete da lis panitanis" (o alc dal genar) fat tancj agns indaûr, isal cualchidun in scolte ch'al savarès dâmi cualchi info ?

Carnevâl !!! Pe to machine, il to  "Arbul Magic". Tu puedis sielzi fra tancj savôrs: Viagra, Polente Lujanie Frico, Salam, Verge, Narase, Ledanâr, Merlot e tancj atris.

Al è biel cjatâ gnûs amîs, specie in maniere casuâl. Al è cussì che par câs sin vignûs in contat cun il grup "Cantine Riunite" di cui o vevi già vût ocasion di tabajâ cualchi timp indaûr (sclice ilfurlanist). O vin podût scoltâ il CD: simpaticissim ! Anin alore a scoltaju ai 24/02/2009
a Vile (di Cjargne) lì dal ristorant "Al laghetto" - il divertiment al è garantît !

Di produzions furlanis and'è simpri di plui e fatis simpri miôr come par esempli

Autogrill sitcom par furlan prime pontade -Tubet- part 1

Autogrill sitcom par furlan prime pontade  -Tubet- part 2

Ce us somee ?

>>> Biel cjossolant (Grafiti furlans):  VOTA' ! DUT DI BANT ! A Gradiscje di Sedean cualchidun al à orût fâsi il so biel cartel anti-eletorâl permanent...

Sgarfant su youtube o ài cjatât un bielissim video di dzamaro che al note:

Doman 21 di zenar fasìn

cuTuarDis ains di ativitât

cuaLchiDun al disarà:  Vecjos !

... Vecjos ?!? Vecjos si !

ma ancjemò vivarôs e plens di snait !

P.S.: compliments al nono in foto.