A Fafieste ai 6 di jugn - S. Marie le Lungje

cuatri domandutis par cognossi un tic ducj chei che parteciparan a Fa.F.ieste: vue o sin in cun 

I VIANDANTS: dal nom de vuestre associazion mi par ch’o sês in viaç: di dulà seso partîts e cun cuale destinazion?

La idee dal viaç e je une idee che o sintìn une vore nestre: ducj i incuntris che o fasìn, a deventin une ocasion par trasmeti e scambiâ pinsîrs, emozions, par puartâ  ator blecs de nestre culture e de nestre storie. Il nestri viaç al è tacât tal 1997 cuant che o vin  presentât in tantis placis furlanis lis letaris scritis di Bepi, soldât sul front dal Carso intant de prime vuere mondiâl, ae sô femine Linde. Il spetacul, fat di leturis compagnadis di musichis al à vut sucès e di che volte no si sin plui fermâts, anzit o vin slargjât il nestri progjet inziâl, chel de presentazion “animade” di libris, puartant indenant ancje altris iniziativis: des ricercjis antropologjichis, fin ae realizazion di progjets multimediâi.

Cul lâ indenant dal timp, nus plasarès che tal nestri viaç si zontassin altris personis, par proponi gnovis ideis e  gnovis manieris di promovi la culture furlane.

O sai ch’o sês une vore atîvs, tra publicazions, spetacui cun leturis senichis in dut il Friûl, un film e cumò ancje dai videoclips: dulà cjataiso dute chiste vivarositât, dut chist snait ?

Ducj i grups e lis associazions, soredut se a caratar volontari, a van indenant in gracie de passion des personis. Fin cumò, su la nestre strade o vin cjatât int che si è lassade traspuartâ dal plasè e dal gust di fâ, di provâ, di butâsi, di lei, di tabaiâ e scambiâ ideis cul nestri public, di confrontâsi cun altris associazions.  No podìn dî che e sarâ cussì par simpri, ma fin cuant che o sintarìn chest gust, o crôt che il nestri viaç al larà indenant.

  A lis vuestris performances e ven int di dutis lis etâts, cual l’incuintri che us à lassât di plui ?
ae fin di un vuestri spetacul, ce isal che us dâ plui sodisfazion ?

Ben, ai nestris spetacui o vin int diferente a seconde dal teme che o frontìn: se si trate di leturis peadis ae tradizion furlane, il public al è un poc plui madûr di etât, se invessit, i argoments a son leâts a temis plui gjenerâi o di atualitât, il public al è in efiets di dutis lis etâts.

Ce che nus dâ simpri sodisfazion al è viodi che la int e partecipe intant des leturis. Lei al è diferent di une recitazion, che je judade dai moviments, des espressions, de senografie. Stâ daûr a di une leture, nol è simpri facil, ma o viodìn che la int a rît, si comôf, e seguìs cun atenzion ce che o contìn. Par solit, o leìn storiis e testimoniancis di vite da la int che no à fat grandis impresis, tal sens comun di cheste peraule,  ma di che int che, madonut par madonut, e à costruît la nestre storie coletive. E ae fin dal spetacul, al è simpri cualchidun che nus dîs “Savêso che mi è tocjade ancje a mi cussì”. O crot che cheste e sedi la robe che nus dâ plui sodisfazion: vê creât un leâm, tra li peraulis che o disìn e la vite de int. 

Nol è un spetacul in particolâr che nus à lassât di plui: o sin une vore leâts al prin spetacûl, chel gjavât fûr dal libri “Torno non torno”,  ma ancje a “Striis e striaments” su li stradizions popolârs, a “L’altra metà della terra”, sul mont feminin dal ‘900, e di chei  che o vin fât in colaborazion cun diferentis associazions dal teritori: “Sentâts su la valîs”,  sul teme de emigrazion in colaborazion cu la Buteghe tal mont di Glemone o ancje “Sangloçs di glerie”,  sul teme de aghe, in colaborazion cul coro di Cjamin al Tiliment. 

Vinars ai 6 di jugn e sarà la prime vision dai vuestris cortometraçs de serie Spicelapis, pronts a fâ la ponte ?

Pronts, sì. O sin une vore contents di podê presentâ chest nestri lavôr a FAFIESTE, parcè che la serie “Spicelapis” je vignude fûr propit  di une colaborazion cu la Associazion Pionîrs e la Associazion FAF. La idee di fonde di chest progjet e je chê di promovi  la produzion poetiche furlane, sedi chê des origjinis sedi che plui moderne, mediant di piçui video che a interpretin il significât dai tescj poetics tal contest de atualitât. Cence volê spiâ masse, o podìn dîus che ai  6 di jugn, par esempli, o varês mût di viodi cemut che une des poesiis plui antighis e devente lenghe e peraule di amôr jenfri doi zovins lavoradôrs. No o crodìn che il progjet al sedi interessant e, par chest, us spietìn ae prime vision  e, se, dopo o sarês contents, us podìn anticipâ che la serie, in gracie dai contribûts che o sperìn di ricevi ancjemò de bande de Provincie,  e varès di rivâ a lâ indenant. Tignîtnus di voli.

 1e FA.Fieste  

  velu ca il regolament pes iscrizions ae prime edizion di

MISS FANTATE 2008 

scjamilu ()e iscriviti daurman !

 1e FA.Fieste  

Sabide ai 7 di jugn FAFIESTONE a Merêt di Cjapitul tal dopo di misdi si tache cun saran zûcs fin a ore di cene ... concerton rock cui Jonokognos;  podopo Miss Fantate 2008 e po concert in formazion biologjiche dal grup che oramai al è une legende i Frizzi Comini Tonazzi.  

a FA.F.ieste

...si tache cul zujà

e si finìs cul braçolàsi.....

 1e FA.Fieste  

Ve cà il program pe serade dal vinars ai 6 di jugn lì de sale teatrâl mons. Biasutti a S. Marie la Lungje , si tache aes 20.45:

1e vision dai cortometraçs de serie "Spicelapis" de associazion Viandants di Basilian;

proiezion di une selezion di intervistis de trasmission "SunsAtôr" prodot de Raja Films di Massimo G.C.;

"Gotis di Poesie" di e cun Sonia e Nicola;

anteprime dal libri "Platimi" di Massimo Govetto cun leturis di Claudio Moretti e Luca Zalateu e une sunade dai The Big Michael's Bag;

proiezion dal film "Buris" prodot de Raja Films di Massimo G.C..

Le jentrade e je libare e al sarà ancje ufiart un rinfresc......

 1e FA.Fieste  

a FA.F.ieste

...si tache cul zujà

e si finìs cul braçolàsi.....

Al è simpri biel cjatâsi a Gonârs, in ligrie buine bire (chê dal chiosco dai Bikers) e bielis frutis ... Segnalin ancje il biel chiosco de associazioni Ammanita cun "a manete" e i dj's di Abrasive (trasmission di Onde Furlane) in vore... 

Leit a viodi dutis lis fotos tal nestri sito... viva !

no si sarìn migo dismenteâts di FIESTINTENDE !

vinars stât serade cover cun metal sunât dai Freedomslaves e dai fantatics Ugobrucia che sunavin The Clash. Ancje lis seradis a vignî e prometin ben...

Domenie ai 20 di avrîl o sin a Gonars pe fieste di primevere.... vignî a contat cul nestri bancut la po vê dai efiets maraveôs ! (?)

Par polsâ da l'ingomeament eletorâl us consein....

Sabide ai 12 di avrî a lis 20.45  lì de Vile Zamparo a Basilian

"LA SOLITUDINE DEL MITILO" E ALTRIS INCIDENTS", Cristina Mauro e STefano MOntello dai FLK nus contaran e sunaran Storiis musichis e cjants dal Friû dai agns '70 fin in di di vuè.

Serade maraveose vinars a Basilian cun lis premiazions di "Emozions d'ingjustri". Contemporaneamentri e jè stade screade le mostre de Ute di Basilian cun cuadris e fotografiis ispiradis a lis poesiis in concors. Une iniziative coinvolzente e dinamiche che e à vidût l'associazion "I Viandants" lei i tocs vincidôrs e segnalâts. Le sale e jere plene (ancje int in pins), anzit lis salis stant che tancj di lôr (une trentine forsite) e àn scugnût scoltâ e spiâ le serade te sale dongje. Une vore interessants i intervents: Giacomo Vit su ducj par me. Ca sot le foto  di Fernando Gerometta vincidôr cun "Doi braz e un om".

Tra lis tantis iniziativis pai festegjaments de Fieste de Patrie, nus plâs marcâ che doman ai 04 di avrîl a lis 20.00 lì de Vile Zamparo a Basilian si davualgerà la premiazion dal concôrs di poesie 

 Le associazion culturâl "I Viandants" e curarà lis leturis des oparis.Simpri in chist contest e vignarà fate la scree de mostre di piture de U.T.E.

Une des manieris miôr par passâ il  tre di avríl  e je siguramentri chê memoreant  Pre Beline.  

 Cun pre Michelot, Gotard Mitri, Fedrì dai Ros

 h. 21.00 Auditorium Cjamin Al Tiliment (UD)

Il 3 di avrîl al stâ rivant...... vêso mitût fûr le bandiere in biele evidence ? 

Se il viola al puarte sfighe no je colpe nestre e nancje se  cuanche al esulte Vieri al somee un macaco, puarin !

Tachin a rivâ i augurs di Pasche ... www.robesdinocrodi.it  !

Arbe Garbe in Sidney

Ciclostile: dopo mês e mês che le cirivi, finalmentri e par câs, o soi rivât a fâmi mandâ chiste storiute ch'o vevi let ancjemò cuanch'o eri a scuele. Une vore simpatiche, leinle ! Cjale ancje ce che mi e rivât tip indaûr... (1 2 3 4 5 6 7 8 )

FA.Fieste ? ah sisisisi si ! .... si stin organizzant par meti su une fiestute di une serade o di une zornade interie di fâ indicativamentri ae fin di mai, intune posizion centrâl dal nestri Friûl... o sin daûr a cjapâ contats...... steit in scolte e tignît di voli il blog, maman !

Tal numar di Vinars ai 15/02/08 dal setimanâl "Il Friuli" e je vignude fûr una biele recension sul nestri "Fregul": O vin fat trente, fasin trenteun ! Un articul ch'al à  induvinât ancje lis motivazions de publicazion. Al fâs un grum di plasè massime parce che ancje se cun Cristrin Romanin si cognossin no si sin assolutamentri tabajâts a proposit di chist argoment. Tal fratimp il gîr des e-mails al à fat si che plui di cualchi biblioteche e sportel si è fat indevant par domandâ cualchi copie de publicazion già vinars stât. Chiscj si giontin a chei tre-cuatri di mê cognossince e a cui i vevi fat rivâ il nestri "frutin". Ancje se no lis vin menzionadis, ancje lis associazions e puedin fâ richieste di cualchi copie, simpri scrivint a faf1995@libero.it o clamant il 333/3613491. Grazie di cûr a ducj ancjemo une volte.  

O vin fat trente, fasin trenteun ! Velu ch'al rive l'ultin numar de golaine "Fregul". In chist librut si tabae di lenghe e politiche linguistiche in maniere clare, tacant des definizions rivant fin a lis prospetivis pal futûr. L’autôr al è Sandri Carrozzo President e lavoradôr de Coop. Serling:  un espert in chist cantin ! La distribuzion e je già tacade e tal gîr di cualchi setemane il librut al sarà disponibil gratuitamentri in passe cent (plui o mancul 130) tra librariis e cartolibrariis dal Friûl. Ma par chei che no rivin a stacâsi dal computer o vin decidût di metilu a disposizion on line culì (frache il sfueut ) e tal sît web dal FAF (on line fra cualchi zornade). I sportei de lenghe furlane, lis bibliotechis, lis scuelis che e vedin gust di vê cualchi copie (simpri gratuitamentri) e puedin scrivi a faf1995@libero.it o clamâ e sms-â al 333-3613491.

O vin apene festegjât i nestri prins 13 ains di ativitât e tra cualchi zornade us fasarin un biel regâl... steit in scolte ! Mandi

Vinars stât, li da PieffeFactoryUne foto che merte di sei mitude tant che sfont tal desktop ! Fabian e i Frontiera ... che in fin dai conts insiemit a stan veramentri ben par me: i Frontiera a da un bon ritmi e Fabian cun la sô vôs e la sô ande inconfondibil ! Brâvs e vonde !

Cualchi an indaûr o vevi publicât chist post su il furlanist e usgnot al PieffeFactory di Lucinis e rivin propite lôr i Frontiera ! Une ocasion di no piardi ancje parcè che a viargi il concert al sarà il nestri Fabian nazionâl : RIZ po ! (Iar di sere concerton bielonon che dome il nom dal grup al po rindi l'idee "Total Chaos", ce sdrondenadis !)

MARILENGHE O  FRADILENGHE ?Si lamentâvisi dai talians che e àn savoltât i nons dai pais ma al somee che i furlans i coredin daûr. Rive D'Arcano (par talian)  al ven clamât RIVES tal stes comun e dulintôr, ma i esperts si son dispiticâts a zuiâ cun la grafie e koine.... La tebele comunâl e ripuarte RIVES D'ARCJAN, il segnâl de province al ripuarte RIVIS (compain de frazion di Sedean) e te Cjarte dal Friûl de Tabacco (SFF) o cjatin RIVIS DARCJAN. Ma jo mi domandi, parcè lâ a cirî gnot ? Tu puartimi a Rives (strambolotant un ritornel dai FLK) e chei atris che ledin dulà che e àn miôr !